當年《Final Fantasy VII》（FF7）係好多打機朋友嘅童年回憶，我都唔例外。記得嗰陣玩到廢寢忘餐，一個星期內打爆機。呢隻遊戲有幾經典，相信唔使多講。當年喺PS2年代已經係神作，事隔二十年，竟然推出重製版，我趁住Steam減價即刻買返嚟。但買咗之後，生活忙碌，冇咁多時間打機，玩咗差唔多兩年先爆機。
重製版嘅畫面當然靚，語音亦都出色，亦加咗好多內容。但係以前幾分鐘先行到嘅城鎮，變成要用幾個鐘先行到。原本短短嘅過場畫面，而家變成整個章節，要打好幾場戰鬥先過到，搞到行一段路都要用成一兩個鐘。
講下遊戲嘅戰鬥系統，以前係回合制RPG，而家已經冇乜人玩。新版本融合咗動作元素，最初我試咗Classic Mode，發現節奏太慢不合適現代人，於是轉用Action Mode。我揀咗最容易嘅難度，主要都係想睇故事，唔係為咗練等級。
動作模式其實同經典模式差不多玩法，只是你打人時不用係等，你可以手癢得閒按下個掣，有啲野做下咁。其實你主要等條action bar儲滿，跟住放必殺大招。如果你就咁齋打，唔放魔法唔叫召喚獸出嚟，打啲雜魚完全沒有難度，打boss就冇可能了。我玩最容易難度，唔使練功，唔使儲裝，連補藥都唔多使食幾粒。主要都係睇故事，你叫我去刷升呢，我梗係冇心機。以前細刷升呢樂可以樂此不疲，而家真係人老咗，時間寶貴，刷升呢啲咁戇居嘅嘢，留返畀啲細路仔做啦。
講返個故事，上次玩是十幾年前，原本個故事大部份忘記了，於是打爆remake後，特登去睇返舊Walkthrough，看看有什麼不同。新版有齊舊版所有重大事件，甚至有些相同對白的致敬位。新版全無逢立體世界地圖，竟然神還原舊版不少背景畫的場景，很有驚喜。
以前嘅故事非常感人，當年其實睇住佢成個Sector 7被炸咗，見到啲人好心痛，今次反而完全冇感覺。你明明Aerith俾人捉左要去救人，仲有時間花十幾小時，幫人搵音樂捉貓做跑腿。時間拖得太長，原本緊張氣氛俾佢啲小遊戲，無無聊聊嘅低B任務，全部斬斷，冇咗嗰個氣氛。
新版有免費DLC部分，只有兩章，內容較短，主要都係資源重用。Yuffie在原著中存在感比較薄弱，因為佢係後期先加入，在兩大女神面前，未能吸引很多粉絲支持，DLC起用她做主角，估不到她賣萌又幾吸引。DLC有點雞肋，Yuffie在這個時間點潛入魔光城很奇怪，主線去偷魔法水晶更加是搵戲來做。有幾個同伴新角色出場，全部都係用完即棄茄喱啡。DLC中在Sector 7走嚟走去時，有個無聊嘅棋盤遊戲「Fort Condor」，好玩又唔係，唔好玩又唔係，搞到我要全部攻略，浪費時間。DLC最好看是本傳入面嘅人物出嚟客串兩句，講下佢哋嘅小故事。
玩完Remake，很自然會去玩Rebirth，不過聽聞評價很一般，大慨不值原價買回來，等何時Steam大減價才買吧。
