笨大落重本開發獨角獸高達的模型玩具，又出Perfect Grade又出場台一比一，還有敵役角色新安洲和新自護號。舊模重用改色再出多幾次，是笨大的一貫有錢賺到盡的營銷策略。不過只是出外傳小說漫畫，很難令高達迷甘心請願付鈔，捧多隻相同的玩具回家供奉。拍一套高水準的劇場版《高達NT》，讓金色獨角獸與白色的新自護打多次，咁玩具模型改色先出得名正言順。

《高達NT》全名叫敘事高達Narrative Gundam，我有理由懷疑取名Narrative的原因，只是簡寫可以用NT，觀眾下意識認為NT=Newtype新人類。故事改篇自外傳小說《狩獵鳳凰行動》，講述在試飛時暴走失蹤的三號機，在UC盒子事件完結後忽然重出江湖，還是引來聯邦，羅商會，帶袖殘黨來追捕。劇名既然叫得做NT，預咗繼續鬼扯新人類和精神骨架的超能力。UC都係最後一戰變身新人類高達神，這套的戰鬥都由頭到尾係超級系，傳統軍武派的高達迷，一定插到套戲飛起，大嘆福井被富野精神污毒了。玩下福音戰士中初號機同化駕駛員，又玩人類靈魂下載進入高達長生不老。雙蛋剎那過來NT就可以成日講「我係高達」都冇人覺得佢有語病，因為幽靈女主角Rita真係變了鳳凰高達。至於通街都係新人類，機體戰鬥力通脹，劇情同上隻犯駁不合理，則只是一般續集常見的毛病。如果上集UC中新自護有今集咁強，明明有多隻做乜收埋唔拎出來打獨角獸。

如果唔當呢套係高達，接受了新人類那些鬼扯能力，又無視與前作設定不合理之處，其實這個故事都幾好看。三個主角兩女一男有新人類能力，預視了殖民星撞落澳洲悉尼，被譽為奇蹟的小孩。在Z年代被泰坦斯收入新人類研究所，兩個女仔為保護個男仔，一起講了一個大話，結果三人各散東西。個男仔做不成新人類，過著平凡人的幸福，不過都係做機動戰士機師。一個女仔當了新人類白老鼠，最後同變了鳳凰高達。另一個女仔就被羅商會收養了，用她的新人類能力當預言巫女，坐上羅商會第二把交椅。同一個講大話事件，在戲串重覆描述多次，每一次描述都發掘出更多真相。最後用新人類威力召喚死者，三個終於解開多年心結，拍得幾感人。今集的奸角相比下寫得非常差，紙板癲佬壞人一個，目標就只要毀滅地球。明明說他是馬沙備份的失敗品，為什麼不是金色頭髮又沒有載面具，成個MK不良少年咁款，唔知係邊度彈出來率領帶袖殘黨。同埋點解帶袖殘黨死極都仲有，咁大隻新自護號又收埋在那裏？

劇場版如果只是抄冷飯得三號機一隻高達，笨大也未免大過缺乏誠意。今集有台新高達RX-9，又係唔知係邊度彈出來。說是開發Nu高達的驗作機，被羅商會入手後大量加入獨角獸的黑科技，全身精神感應骨架和NT-D系統等。官方歷史那邊廂才說把獨角獸一號和二號癈棄封印，這邊廂又弄出一台與獨角獸規格的高達，又看看官方歷史如何補鑊，如何函接F-91和V高遠沒有神感應骨架黑科技的未來。主角高達RX-9人氣不高，可能設計本身沒有什麼特色，好似把Rx-93同Rx-0加起來除二。不過核戰機成隻雀咁就真係好低能，女主角成日話自己想變雀仔，你都唔駛整隻咁醜樣嘅核戰機來讓她完成心願。

明明有套海盜高達漫畫係度，故事正戰鬥勁主角機又型，硬係唔拿來改篇拍動畫，拍埋晒NT高達這種爛片，把宇宙紀元的官方歷史弄得經千蒼百孔。笨大你是否打算殺了高達這隻會生金蛋的鵝？